Në Serbi jetojnë mbi 200 000 shqipëtar, prej tyre, më shumë se gjysëma e tyre jetojne të shpërndarë në mbrendi si Novi Sad,Beograd, Nish,…gjithësejt në 133 komuna pa llogaritur tre komunat PMB.
Dje në Parlamentin e Republikës së Kosovës në seancën parlametare për shqiptarët në Serbi, kryesishtë u diskutua për gjendjen e popullatës shqiptare në tre komunat PMB, pa përmendur fare fatin e atyre në 133 Komuna tjera.
Në pergjithësi deputetët gjat diskutimeve paraqitën një brengë për gjendjen e popullatës shqiptare në tre komunat Medvegjë, Bujanoc dhe Preshevë.
Në esencë nuk mungoi solidariteti me shqiptarët e ketyre komunave por nuk u përmendën fare gjysma tjetër e popullatës shqiptarë ne Serbi.
Gjithashtu nuk u ndëgjua ndonjë masë disiplinore e cila do të detyronte Serbin për ndalimin e diskriminimit ndaj shqiptarëve atje!
Ne shqiptarët në Serbi duam të drejtat tona këtu ku jemi,ndërsa ndihmat eventuale humanitare nga shtetet shqiptare nuk duhet të konsiderohen si alternativë e diskriminimit permanent ndaj nesh, nga ana e shtetit Serb.
Liritë dhe të drejtat e njeriut janë mbi sovranitetin e shtetit, duhet dikush ta thotë këtë haptazi dhe me zë të lartë. MS
Discussion about this post