Iniciativa “Ballkani i Hapur” është vazhdimësi e “mini-Shengenit” ballkanik, që Kosova e ka kundërshtuar edhe më parë. Ajo që duhet theksuar është se, Iniciativën për “Open Balkan” e përkrahin Shqipëria, Serbia dhe Maqedonia e Veriut.
Kryeministri i Shqipërisë, Edi Rama dhe disa nga udhëheqësit politikë në Kosovë si të partive në pushtet edhe atyre në opozitë po vazhdojnë përplasjen në distancë rreth idesë për një Ballkan të hapur, apo siҫ njihet tashmë “Open Balkan”.
Kryeministri i Shqipërisë, Edi Rama, ditë më parë, Ballkani i Hapur është jo vetëm rruga e të ardhmes për prosperitetin e kombit shqiptar, si komb europian që përkatësinë e vet e ka në Europën e Bashkuar, por është edhe një mundësi e re dhe e madhe më shumë, në rrugën drejt njohjes së Kosovës nga Serbia.
E për mbështetjen e perendimit për “Open Balkan”, kryeministri Rama i referohet edhe qeverisë gjermane duke thënë se “qeveria gjermane e mbështetë këtë nismë”.
Nga ana tjetër, avokati i njohur, Spartak Ngjela, në një prononcim të shkurtër për “AFEDS”, deklaroi se iniciativa “Open Ballkan” thënë ndryshe “Ballkani i hapur”, nuk është çështje e thjeshtë, por qyshdoqoftë, sipas tij, e gjitha është në favor të Serbisë.
“Nuk është një çështje e thjeshtë Por unë e konceptoj si në favor të Serbisë”, tha Ngjela për AFEDS.
Madje, Ngjela, për AFEDS, deklaroi se të gjitha përrallat se iniciativa Open Ballkan është mundësi që ballkani, veçanërisht shtetet shqiptare do të mund të kenë një të ardhme më të mirë, i rrëzoj poshtë, duke deklaruar se i vetmi sukses për shqiptarët, është bashkimi i shqiptarëve. Por siç tha ai, megjithatë, bashkimi i shqiptarëve është vështirë të arrihet për shkak të korrupsionit në të dyja vendet.
”Suksesi ynë është Shqipëria e Bashkuar. Asnjë rrugë tjetër nuk është në favor të shqiptarëve por nuk e lë korropsioni shqiptar në të dy vendet”, përfundoi ai.
Discussion about this post