Rama: Serbëve në Kosovë u paguhen faturat e energjisë-elektrike, si askund në botë

Në deklarim e sipër, Rama foli edhe për situatën e krijuar nga serbët në veri të vendit.

Rama theksoi se serbët në Kosovë jetojnë në një demokraci të plotë, e madje këtyre të fundit u paguhet edhe energjia-elektrike si askund tjetër në botë.

“Në fakt, qytetarët serbë në Kosovë jetojnë të pakërcënuar nga askush, madje fjaka bie, iu paguhen edhe faturat e energjisë elektrike, nga Qeveria e këtij shteti këtu, si askujt askund jo vetëm në Ballkan, por edhe në botë”, deklaroi Rama.

Kreu i Qeverisë shqiptare ka thënë në Prishtinë se Serbia duhet ta njohë realitetin e pakthyeshëm dhe të vazhdojnë negociatat për njohjen reciproke.

“Nuk ka asnjë diskutim se në radhë të parë dhe mbi të gjitha, është Serbia ajo që duhet ta njohë këtë realitet të pakthyeshëm, dhe është vërtetë për të ardhur keq, që në vend të përparimit konkret të dialogut drejt njohjes reciproke dhe çlirimit përfundimtar nga e shkuara, sot jemi dëshmitarë të manovrave teatrale ushtarake të Serbisë, në kufirin me shtetin sovran të Kosovës.Ato manovra nuk mbrojnë në fakt qytetarët serbë në Veriun e Kosovës, sikundër pretendohet nga udhëheqja e Beogradit zyrtar, madje edhe disa fantazma gjeneralësh të ushtrisë së mundur në fushën e luftës, më shumë se 20 vjet më parë, që sikur kanë dalë nga varri, me pretendimin që po mbrohet integriteti dhe siguria e qytetarëve serbë në Kosovë”, shtoi ai.