Tashmë, janë bërë vite që kur Serbia ka nisur pasivizimin e adresave të shqiptarëve që jetojnë në tri komunat jugore, në Preshevë, Medvegjë dhe Bujanoc dhe kjo, po ndryshon “strukturën etnike” të këtyre komunave.
Në fak, Medvegja është më e prekur nga pasivizimi i vendbanimeve, por ky proces po zhvillohet edhe në dy komunat tjera të banuara me shqiptarë, Preshevë dhe Bujanoc, transmeton AFEDS.
Qeveria aktuale, qeveria Kurti, nuk është se ka bërë hapa konkret në raport me këtë situatë, por, kujtojmë se, vite më parë, ndonëse Ish-Ministrja e Punëve të Jashtme dhe Diasporës e Kosovës, Meliza Haradinaj-Stublla dhe ish-ministri në detyrë i Punëve të Jashtme të Shqipërisë, Gent Cakaj, përmes një deklarate të përbashkët, pat ën th ënë se ky proces që po bëhet në Serbi, përbën formë të re të shtypjes së shqiptarëve, prapë nuk është ndërmarrë asgjë.
Kryetari i Lëvizjes për Bashkim, Valon Murati, në një prononcim për “AFEDS”, deklaroi se për situatën në fjalë, mundësitë për veprim, të shpejtë dhe ligjor, e ka Shqipëria më shumë nga që e ka Kosova.
Sipas tij, Shqipëria mund që të reagojë nëpërmjet mekanizmave ndërkombëtar.
“Sa i përket reagimit, mundësitë i ka më të mëdha Shqipëria, që të reagojë qoftë në mekanizmat ndërkombëtar, qoftë tek shtetet veç e veç. Sa i përket Kosovës, ne do të duhej ta shtronim me vendosmëri çështjen e Kosovës Lindore në bisedimet me Serbinë”, tha Murati.
I të njëjtit mendim, është edhe Drejtori i Institutit të Kosovës për Drejtësi, Ehat Miftaraj, i cili për AFEDS, tha se në të tilla raste, Shqipëria mund dhe ka mundësinë të reagojë më shpejtë se Kosova, për shkak se është anëtarë jo e Përhershme e Këshillit të Sigurimit.
“Në të tilla raste si ky, Shqipëria e ka mundësinë ideale si anëtare jo e përhershme e Këshillit të Sigurimit të veprojë dhe reagojë për këto veprime të jashtëligjshme të Serbisë ndaj shqiptarëve”, tha ai.
Tutje, Miftaraj, shtoi se Shqipëria duhet t’i shfrytëzoj të gjitha mekanizmat duke kërkuar hetim në OKB, nëpërmjet një të dërguari special, që, Shqipëria duhet ta ketë duke u konsultuar me vendet përkatëse, që preken nga pasivizimi i adresave.
Discussion about this post