Pasivizimin e adresave të shqiptarëve në Serbi, veçanërisht në qytetin e Medvegjës, po shihet me shqetësim të madh gjithandej trevave shqiptare, transmeton “AFEDS”.
Kjo ngjarje, po shihet me shqetësim edhe nga ish-kryetari i Gjykatës Kushtetuese, Enver Hasani.
Hasani, për “AFEDS”, deklaroi se këtë situatë e ka parë me shqetësim dhe dhimbje.
“Medvegja ai vend i bukur shqiptar, ka kohë që po venitet dhe po ngel pa shpirtin e vet”, tha Hasani.
“Po na rrëshqet prej dore”, shtoj tutje.
“E kam përcjellë kaherë këtë gjendje dhe atë me shqetësim e dhimbje tepër të madhe. Medvegja, ai vend i bukur shqiptar, ka kohë që po venitet dhe po ngel pa shpirtin e vet. Po na rrëshqet prej dore”, tha ai.
Sipas Hasanit, Kosova, mund të bëj më shumë se Shqipëria duke e ngritur kete çështje non stop me evropianët. Njëjët duhet ta bëjnë edhe partitë politike shqiptare të Luginës.
“Këtu Kosova mund të bëj më shumë se Shqipëria duke e ngritur kete çështje non stop me evropianët. Njëjët duhet ta bëjnë edhe partitë politike shqiptare të Luginës. Ato duhet çdo javë të vijnë në Prishtinë dhe të shkojnë në Tiranë veç me këtë pikë të rendit të ditës sepse ketu behet fjalë për një politikë anti-evropiane. Serbia e ka detyrim kushtetues dhe ndërkombltar për t’i trajtuar në mënyrë të barabartë të gjithë shtetasit e saj”, tha Hasani.
Tutje, Hasani, shtoj se kjo don presion dhe Serbia duhet demaskuar në publik për ketë sjellje.
“Deputeti shqiptar në Kuvendin e Serbisë duhet t’i prij një delegacioni të shqiptarëve të Luginës dhe të vijnë ketu e në Tiranë dhe pastaj në Strasburg për të protestuar. Kjo ceshtje deri sot ka ngelur e heshtur pa asnjë arsye dhe kjo përbën një absurd në vete”, përfundoj Hasani.
Discussion about this post