Daçiq: Luftë apo paqe, komuniteti ndërkombëtar të vendos

Kryetari i Kuvendit të Serbisë Ivica Daçiq, ka reaguar pas aksionit të sotëm të Policisë së Kosovës kundër kontrabandës me mallra në veri të vendit.

Bashkësia ndërkombëtare duhet të marrë masat më të forta për të ndaluar lëvizjet e njëanshme që do të sjellin të gjithë rajonin në një situatë “luftë ose paqe”, deklaroi Daçiq për Tanjug.

Kryekuvendari i Serbisë theksoi se bashkësia ndërkombëtare me të vërtetë duhet të marrë një vendim kyç për atë që dëshiron në Kosovë, luftë apo paqe.

Aksioni i Policisë së Kosovës u zhvillua edhe në veriun e Mitrovicës dhe Zveçan ku pati tensione të shumta dhe mbetën të lënduar 10 policë.