Dodik për aksionin e policisë së Kosovës: “Sulm ndaj serbëve”

Anëtari serb Presidencës së Bosnjës dhë Hercegovinës i Republika Srpska-s, Millorad Dodik, për intervenimin e Policisë së Kosovës në nivel vendi kundër kontrabandës së mallrave, e ka quajtur “sulm ndaj serbëve”.

“Ky veprim nga forcat nën kontrollin e Prishtinës, nuk i ka shokuar vetëm serbët në Kosovë, por edhe ata në të gjithë rajonin”, tha Dodik për Radio Televizionin e Republika Srpskas.

Millorad Dodik tha se nëse eskalon situata përgjegjësia bie mbi komunitetin ndërkombëtar.

“Sjellje të tilla nuk mund të arsyetohen, dhe nëse komuniteti ndërkombëtar nuk e ndalon tërbimin e policës, atëherë ata do të jenë përgjegjës për gjithçka që mund të ndodh në të ardhmen”, deklaroi ai.

Ndërsa Serbinë, Dodik, nuk e konsideron fare përgjegjëse.

“Është koha e fundut për t’i frenuar forcat nën kontrollin e Prishtinës. Përdorimi i armëve të zjarrit për të lënduar njerëzit në Veri të Kosovës nuk janë imazhe të cilat mund t’i lejojmë në Kosovë, dhe askund tjetër në rajon e përtej”, përfundoi Anëtari serb i Presidencës në BeH i Republika Srpska-s.