Kryeministri Albin Kurti ka thënë se Republika e Kosovës ka mirëpritur mbajtjen e këshillit të katërt të Stabilizim-Asociimit.
Ai në konferencë të përbashkët me komisinerët Josep Borrell dhe Oliver Varhelyi, ka theksuar se zbatimi i Marrëveshjes së Stabilizim-Asociimit është tepër i rëndësishëm për Kosovën.
“Besojmë se i gjithë Ballkani Perëndimor – gjashtë vendet, dhe Kosova në veçanti duhet të ecin sa më shpejt në rrugën evropiane”, është shprehur Kurti, njofton Klankosova.tv.
“BE është fati ynë. Evropa është kontinenti ynë dhe e ardhmja jonë dhe nuk shohim aletrnativë ndaj këtij orientimi”.
Kurti ka përmendur edhe një herë se qytetarët e Kosovës ende nuk lëvizin pa viza, duke kërkuar që ato të liberalizohen.
“Për të përforcuar besimin në BE besojmë që të kemi liberalizim të vizave për Kosovën dhe më lejoni të ju rikujtoj që kanë kaluar katër vjet e tre muaj që kur është rekomanduar, por qytetarët tanë ende e vuajnë liberalizimin e vizave”.
“Gjatë këtij viti kemi qenë aktivë në luftimin e korrupsionit dhe krimit. Ka pasë rreth 500 operacione policore, 900 bastisje dhe 41 grupe kriminale që janë shpërbërë. Kosova mbetet e përkushtuar për dialogun me Serbinë ne mirëbesim për të arritur marrëveshje obligative me qëllim të normalizimit të plotë të marrëdhënieve”.
Discussion about this post