Presidentja, Vjosa Osmani, e cila po merr pjesë në mbledhjen e Këshillit Konsultativ për Komunitete, tha se do të ofrojë mbështetje për të gjitha grupet e margjinalizuara, në veçanti për gratë.
Ajo theksoi se në Kosovë ka shumë raste te diskriminimit të komunitetit rom, ashkali dhe egjiptian.
“Ju inkurajoj që të vazhdoni punën e deritanishme në mënyrë që të vazhdohet mbrojtja e të drejtave dhe interesave të komuniteteve. Këshilli ka qëllim të mbrojë komunitetet. Do të punojmë që këto probleme të eliminohen për grupet e margjinalizuara. Në agjendën tonë është edhe fuqizimi i gruas, problemet me mungesën e punësimit dhe dhunën në familje. Kjo do të realizohet pa dallim përkatësie. Pandemia në veçanti i ka goditur gratë të komunitetit jo-shumicë. Do të garantojmë të ndërtojmë edhe politika shtetërore”, ka thënë Osmani.
Mediat janë lejuar vetëm në fillim të kësaj mbledhje, derisa ka folur presidentja e vendit, Vjosa Osmani.
Discussion about this post